Питон долг речиси два метри, кој семејство од Флорида го чувало како домашен миленик, синоќа го скршил заштитното стакло од аквариумот, отишол до спалната соба и задавил двегодишното девојче.

Кога утрината пристигнала брза помош, немало спас за малечката Шаиун Харе. Чарлес Џејсон Дарнел, сопственикот на змијата и момче на мајката на настраданото девојче, кога видел дека аквариумот е скршен и дека во него нема змија истрчал во собата на девојчето. Таму видел ужасна глетка, змијата лежела врз девојчето кое на главата имало траги од гризнување.

Дарнел ја избодел змијата за да ја тргне од главата на девојчето. Змијата која што сеуште била жива, властите ја изнеле од куќата. Иако Дарнел немал дозвола за држење на змијата, полицијата сеуште не го пријавила кривично. Откако истрагата ќе заврши властите ќе утврдат дали станува збор за занемарување на детето.

Змијата која го усмртила девојчето ќе биде сместена кај некој кој поседува дозвола за држење на змии.

Извор:www.netpress.com.mk

{loadposition debug}