Социјалната мрежа Фејсбук, која пред шест години стартуваше како изум на 20-годишен студент од Харвард, достигна 500 милиони корисници од целиот свет, јавуваат светските агенции, пренесува Нетпрес. Според информацијата, ако Фејсбук беше држава, тогаш ќе беше трета по големина во светот.
“Ова е важна пресвртница за сите вас, кои помогнавте во ширењето на фотографии низ целиот свет. Сега многу повеќе луѓе имаат можност да бидат поврзани со луѓето кои ги сакаат“, изјавил во пораката објавена на неговата интернет страница основачот Марк Цукерберг.
Во февруари, годинава, Фејсбук имаше 400 милиони регистрирани корисници, а од вчера таа бројка е 500 милиони. Во чест на најновото достигнување, Цукерберг објави дека Фејсбук лансирал нова апликација наречена “Фејсбук приказни“.
“Заедно поставивме колекција на приказни, кои вие ги поделивте со нас, а кои се во врска со влијанието на Фејсбук“, додал тој.