Според Флорентино Перез на Реал Мадрид му се потребни уште две засилувања и заминување на околу десет фудбалери од Кралскиот клуб.

Флорентино Перез полека привршува со креирањето на новиот Реал Мадрид, вели дека уште две засилувања им се потребни.

Но, претседателот вели дека наскоро треба да започне и распродажбата на фудбалерите на кои нема да се смета за идната сезона.

"Треба малку да успориме, бидејќи обично составот треба да биде од околу 25 фудбалери, а ние во моментов имаме 25" - изјави Перез за шпанската телевизија Cuatro.

"Ние треба да се сконцентрираме и да направиме напор да ги убедиме некои фудбалери дека треба да си заминат".

"Не треба да се заборави дека следното лето има Светско Првенство и сите сакаат да играат".

"Доколку фудбалерите не добијат шанса тука да играат, тие ќе сакаат тоа да го прават на друго место со цел да бидат во комбинација за Светското Првенство".

"Што се однесува до новите засилувања, мислам дека ќе има уште две".

Перез беше запрашан и за интересот на Реал Мадрид за Франк Рибери и Чаби Алонсо.

"Тие и двајцата се одлични фудбалери, но нивните клубови не сакаат да ги продадат, сепак ситуаците во светот на фудбалот можат да се променат" - заврши Перез.

Реал Мадрид веќе го продаде Хавиер Савиола, а според медиумите на продажба е и целата холандска колонија, Руд ван Нистелрој, Робен, Снајдер, Ван дер Варт, Ројстон Дренте и Клас Јан Хунтелар.

Извор:www.24fudbal.com.mk

{loadposition debug}