Сваштарник - Се на едно место

Челзи планира со 70 милиони фунти да го подмлади тимот

Среда, 17 Февруари 2010 12:52

Челзи планира да потроши 70 милиони фунти во летниот преоден рок за четворица млади но исклучително големи таленти.

Англиските медиуми пишуваат дека Челзи планира да потроши 70 милиони фунти со цел да го подмлади составот со четворица високо ценети млади фудбалери.

Цел на Челзи се дефанзивецот на Борусија Дортмунд, Невен Суботиќ, крилото на Бенфика, Ангел Де Мариа, фудбалерот од средниот ред на Наполи, Марек Хамшик и Бастијан Швајнштајгер од Баерн Минхен.

Челзи подолго време не бил вистински активен на трансфер пазарот, а во јануарскиот преоден рок не донесоа ниту еден нов фудбалер.

Роман Абрамович е подготвен да го одврзе ќесето и да го подмлади тимот, што реално и му е потребно на Челзи.

Френк Лампард, Дидие Дрогба, Рикардо Карваљо и Паоло Ферерира имаат по 31 година, Михаел Балак и Џилијано Белети имаат по 33, Деко има 32 години.

Се очекува младите фудбалери како Гаел Калкута, Џефреи Брума и Даниел Стариџ да имаат поголема минутажа идната сезона, но исто така се очекува да бидат донесени и четворицата претходно посочени фудбалери од кои Швајнштајгер со 25 е најстариот.

Речиси сигурно дел од сегашните фудбалери ќе го напуштат Челзи, Фереира и Белети се најблиску до тоа.

И Деко можеби ќе го напушти Стемфорд Бриџ, како и еден од централните дефанзивци, Рикардо Карваљо или Алекс, и за двајцата има интерес од други клубови.

Не е позната ниту иднината на Џо Кол кој сеуште не потпишал нов договор со Челзи.

Суботиќ е еден од најдобрите млади централни дефанзивци и некое време е на радарот на Челзи, но Јуве исто така се интересира за неговите услуги.

Челзи ќе има конкуренција и за Ди Мариа за кога сериозно заинтересиран е Манчестер Јунајтед, исто како и за Марек Хамшик.

 

Извор:www24fudbal.com.mk

blog comments powered by Disqus