Сваштарник - Се на едно место

Пандев: Коларов е најдобриот во Серија А кој не е во Интер

Петок, 19 Февруари 2010 14:43

Македонскиот најдобар фудбалер, Горан Пандев вели дека Коларов е најдобриот играч во Серија А кој не е во Интер.

Не е тајна дека Горан Пандев и Александар Коларов беа големи пријатели додека и двајцата го носеа дресот на Лацио.

Нашиот фудбалер се пресели во Интер каде што игра повеќе од солидно, а шпекулациите беа силни дека и Коларов ќе дојде на Џузепе Меаца.

Се очекува Интер и во летниот преоден рок да преговара за Коларов, а Горан Пандев има само пофални зборови за српскиот фудбалер.

"Коларов е навистина силен, тој е најдобриот фудбалер во Серија А кој не е во Интер" - изјави Горан Пандев за Inter Channel.

Договорот на Коларов со Лацио истекува во 2012, се очекува Лотито да не ја повтори истата грешка која ја направи со Пандев, па би требало да биде пофлексибилен во преговорите со цел Лацио да има корист од неговиот трансфер.

 

Извор:www.24fudbal.com.mk

blog comments powered by Disqus