Кристијано Роналдо: Сакам да оставам белег во историјата на фудбалот

Контакт

Кристијано Роналдо: Сакам да оставам белег во историјата на фудбалот

Четврток, 25 Февруари 2010 15:46

ronaldo

Кристијано Роналдо уште енднаш ја откри својата желба да во иднина да биде препознаван како најдобриот фудбалер во историјата и да биде пример за младите луѓе.

Португалскиот интернационалец говореше од Лондон и презентацијата на новата копачка на Nike, Mercurial Superfly Vapor II, која Роналдо ќе ја носи на Светското Првенство во Јужна Африка.

Роналдо исто така потврди дека сеуште е во редовен контакт со Сер Алекс Фергусон и дел од играчите на Манчестер Јунајтед и се надева дека еден ден повторно ќе игра со Вејн Руни.

“Мојата лична цел е да оставам белег во историјата на фудбалот.“ – рече Роналдо.

“Кога ќе ја завршам мојата фудбалска кариера сакам луѓето да ме запаметат како извонреден фудбалер, фантастичен играч, пример за младите луѓе.”

Луѓето говорат дека Реал Мадрид е различен тим кога Роналдо игра и кога е надвор од составот.

“Знам дека многу се говори за тоа дека Реал игра различно кога јас не сум во тимот но не верувам дека тимот може да зависи од еден единствен играч.”

“Дали можам да се пожалам од нешто од досегашниот престој во Мадрид? Можеби оваа сезона имав малку повеќе повреди. Сакам до крајот на сезоната да одиграм на што поголем број натпревари и да дадам поголем допринос за тимот.”

“Сакам со Реал Мадрид да ги освојам сите оние трофеи кои ги освоив во Манчестер Јунајтед.”

“Дали можеме да триумфираме во Ла Лига? Барселона треба да гостува на Бернабе и ние сме убедени дека можеме да ги победиме и да го освоиме првенството.“

“Дали сеуште сум во добар однос со Јунајтед? Понекогш разговарам со Фергусон. Исто така и со Фердинанд, Евра, Нани и Андерсон. Суеште сум во добри односи со тие играчи.”

По заминувањето на Роналдо од Олд Трафорд, Руни врз себе превзеде голема одговорност и напаѓачот е во извонредна голгетерска форма

“Ги знам квалитетите на Руни – тој е брилијантен. Не само оваа сезона.”

“За мене Руни сеуште е истиот фудбалер – тој е фантастичен, победничко момче. Не знам дали е возможно но се надевам дека еден ден повторно ќе играме заедно. Зошто да не? Се е можно.”

За разликите помеѓу Премиер Лигата и Ла Лига, Роналдо рече: “На Островото фудбалот малку побрз и пофизички – во Шпанија се игра потехнички фудбал и потимски.”

Извор:www.24fudbal.com.mk